Josh Maleehabadi - Husn dekho ghareeb khaane ka

Meer aur Ghalib ke baad jin shayeron ne Urdu Shayeri ko taraqquiee ki rah per aage aage badhaya Josh Malihabadi unme se ek hain. Unhone ne apni ghazalo, nazmon aur marsiyon me bahut shohrat payee. 1958 me unhone Pakistan ki citizenship le li but unki shayeri ki nagrikta kabhi bat nahin saki.

Pesh hain unke kuch chuninda Shair –

Kisne wada kiya hai aane ka
Husn dekho ghareeb khaane ka

Rooh ko aayina dikhate hain
dar o deewar muskuraate hain

Ye din bahar ke ab bhi raas na aa sake
ki gunche khil to sake, khil ke muskura na sake

Dil ki choton ne kabhi chain se rahne na diya
jab chali sard hawa maine tujhe yaad kiya